Qendra e parë e Eksperiencës Islame në Holandë, ku Islami shpjegohet përmes teknologjive të syzeve të realitetit virtual, hologramit dhe tingullit 8D, synon të thyejë paragjykimet, raporton AA, përcjell Fol Drejt.
Qendra u krijua në qytetin e Roterdamit nga Fondacioni i Qendrës së Përvojës Islame, i cili u themelua dhe u përfaqësua nga Joram van Klaveren – një ish politikan islamofob i cili u konvertua në Islam në vitin 2019.
Syzet e realitetit virtual, hologrami dhe teknologjitë e tingullit 8D përdoren në Qendrën e Eksperiencës Islame, e cila u krijua për të shpjeguar fenë Islame dhe për të eliminuar paragjykimet kundër Islamit dhe muslimanëve.
Van Klaveren tha për Anadolu se ai filloi të përdorte teknologjinë e lartë për t’ua shpjeguar Islamin nxënësve në shkolla dhe hapi qendrën me kërkesa të mëdha.
“Së pari, ne duam t’i informojmë njerëzit për Islamin. Së dyti, ne duam që paragjykimet të zhduken. Njerëzit, veçanërisht në Perëndim, ndonjëherë kanë ide të çuditshme për Islamin. Kjo është për shkak të mungesës së njohurive,” tha ai.
“Ne duam ta ndryshojmë këtë me këtë qendër. Së treti, ne duam që njerëzit të kenë një kuptim të gjerë për njëri-tjetrin,” shtoi ai.
Van Klaveren shërbeu si deputet i Partisë së Lirisë së ekstremit të djathtë (PVV) në 2010-2014.
Ai dha dorëheqjen pas komenteve raciste të liderit të PVV, Geert Wilders për marokenët dhe themeloi partinë e tij, por nuk arriti të fitonte një vend në zgjedhjet kombëtare të vitit 2017 dhe u largua nga politika. /FolDrejt/
