Sipas njoftimit të fundit të Policisë së Kosovës, konfirmohet se viktima 67-vjeçare në Dragash është vrarë nga një anëtare e familjes, konkretisht nga kunata e saj.
Siç njofton policia, vetë familjarja, pas ballafaqimit me prova të reja, në prezencën e avokatit ka pranuar se ka vrarë viktimën.
E dyshuara ka kryer vrasjen duke përdorur mjete të ndryshme të forta, të cilat më pas i ka fshehur.
Siç njofton tutje policia, nga njësiti i forenzikës janë sekuestruar prova të reja, ndërkaq, me urdhër të prokurorit, e dyshuara është në ndalim policor për 48 orë.
Gjithashtu bëhet me dije se ky rast është kualifikuar nga “Vdekje e dyshimtë” në “Vrasje e rëndë”./FolDrejt/
Njoftimi i plotë i Policisë së Kosovës:
Vdekje e dyshimtë në Dragash rikualifikohet si “Vrasje e rëndë”
Prizren, 27 Dhjetor 2022
“Me 26.12.2022, ora 05:00 policia ka marre informatën se në fshatin Kuk,, KK Dragash ka ndërruar jetë një grua e moshës 67 vjeçare (S.D). Trupi pa jetë është gjet në shtëpinë e saj në fshatin Kuk.
Pasi që e njëjta më herët e ka pas të raportuar një rast dhunë në familje dhe bazua dhe në ankesën e një qytetari, nga policët hetues nga Sektori i Hetimeve të Stacionit Policor Dragash, në konsultim me prokurorin dhe më pas me urdhër të prokurorit kujdestar është vendos që viktima të dërgohet në Institutin e Mjekësisë Ligjore për ekzaminim nga mjekët specialistë për të konstatuar shkakun e vdekjes.
Në ora 12:30, mjeku kujdestar I QMF Brodosan, pas kontrollit dhe ekzamenit fillestar në vendin e ngjarjes ka vërejtur se ne trupin e se ndjerës ka dyshime se ka shenja të dhunës. Me qëllim të sqarimit të shkaktarit të vdekjes nga policia është hap rast “ Vdekje e dyshimtë”.
Sektori Rajonal i Hetimeve pas kryerjes së ekzaminimit mjekoligjor nga Instituti i Mjekësisë Ligjore, me urdhër të prokurorit kanë ri intervistuar kunatën e viktimës, të dyshuarën N. A e lindur në vitin 1958.
Pas ballafaqimit me prova të reja e dyshuara në prezencën e avokatit mbrojtës e ka pranuar se ka kryer vrasjen. Këtë veprim e ka bërë duke përdorur mjete të ndryshme të forta, të cilat më pas i ka fshehur. Nga njësitit e forenzikës janë sekuestruar prova të reja. Me urdhër të Prokurorit te rastit e dyshuara ndalet në ndalim policor për 48 orë.
Vepra penale është ri kualifikuar si vepër “Vrasje e rëndë”.
Sektori Rajonal i Hetimeve nga Drejtoria Rajonale e Policisë në Prizren do të ndërmarrin të gjitha veprimet e mëtutjeshme të nevojshme në bashkëveprim me prokurorin e rastit.”