Rusia ka dëbuar një diplomat lituanez duke e urdhëruar të largohet nga vendi brenda pesë ditëve, njofton Al Jazeera, transmeton Fol Drejt.
“Më 28 dhjetor, e ngarkuara me punë e Lituanisë në Rusi, Jurgita Cibulskiene, u thirr në Ministrinë e Jashtme ruse… Një nga diplomatët e ambasadës lituaneze u shpall ‘persona non grata’, ai duhet të largohet nga territori i Rusisë brenda pesë ditëve”, thuhet në një deklaratë të Ministrisë së Jashtme ruse.
Deklarata shtoi se pala lituaneze “protestoi fuqishëm në lidhje me dëbimin e pajustifikuar të një punonjësi të ambasadës ruse në Vilnius”.
Më 1 dhjetor, Ministria e Jashtme e Lituanisë tha se një punonjës i ambasadës ruse u shpall “persona non grata” për shkak të “aktiviteteve të papajtueshme me statusin e tij diplomatik./FolDrejt/