Një grup tifozësh të PSG-së u mblodhën para shtëpisë së futbollistit brazilian Neymar dhe kërkuan largimin e tij nga klubi.
Tifozët thërrisnin me zë të lartë thirrje të ndryshme duke kërkuar që Neymar të largohej nga klubi i tyre dhe ai iu përgjigj ngacmimeve përmes Instagramit.
“Mos lejoni që të tjerët t’ju tërheqin në stuhinë e tyre”, ka shkruar Neymar në historinë e tij në Instagram, ku ndiqet nga më shumë se 208 milionë njerëz.
Tifozët e PSG-së fillimisht ofenduan Lionel Messin para ambienteve të klubit, e më pas shkuan në shtëpinë e Neymarit.
Nga ana tjetër, PSG e dënoi këtë sjellje edhe pse e gjobiti Messin për udhëtimin pa leje drejt Arabisë Saudite.
“PSG i dënon ashpër këto akte dhe fyerje nga një grup i vogël individësh. Pavarësisht dallimeve, asgjë nuk i justifikon aktet e tilla. Klubi mbështet lojtarët, drejtuesit dhe të gjithë ata që u prekën nga kjo sjellje e turpshme”, tha klubi parisien, transmeton Fol Drejt.