Një veteran i Ushtrisë Çlirimtare të Kosovës ka përfunduar në emergjencë.
Lajmin për Klankosova.tv e ka konfirmuar mjeku Avdush Bajgora.
Bajgora tha se ai ka ardhur pa vetëdije në QKUK.
“Atij i ka humbur vetëdija. Pra, është sjell pa vetëdije. Jemi duke ia bërë ekzaminimet e nevojshme dhe do të shohim”- tha ai.
Gjatë ditës së sotme, veteranët e luftës së Ushtrisë Çlirimtare të Kosovës, po e mbajnë një protestë para Kuvendit të Kosovës.
Protesta po mbahet në shenjë pakënaqësie të mospërfshirjes në Projektligjin për pagën minimale.
Ata po qëndrojnë para kuvendit edhe në këto temperatura të larta.
Veteranët janë zotuar se do të qëndrojnë aty deri në realizmin e kërkesave të tyre.