Me pasë mujtë
Nga Lumi Hajra
Me pasë mujtë
Nji herë a nji kohë
Ndjenjave me ja vnu prangat
E me pa mendjen qysh sillet
N’kundrim t’qasjes t’jetes ndaj unit.
Me pasë mujtë
Gjitha herat a t’gjitha kohët
Epsheve me ja ndalë turrin
E m’i pa ndjenjat qysh reagojnë
T’pavaruna prej instiktit.
Me pasë mujtë
Asnji herë e asnji kohë
Mos m’i lanë shpirtit pushim
N’frymim brenda prehjes
Së të qenit “unë jam”./FolDrejt/