Në ambientet e Drejtorisë së Përgjithshme të Policisë së Kosovës-Prishtinë, do të mbahet ceremonia e dorëzim-pranimit të donacionit me pajisje për Policinë e Kosovës nga Qeveria Gjermane.
Siç njofton Policia e Kosovës, ky dorëzim-pranim do të bëhet sot, në orën 11:00, transmeton Fol Drejt.
Donacioni përmban pajisje profesionale për mbikëqyrje dhe kontroll të kufirit.
Në ceremoninë e dorëzimit-pranimit të donacionit do të marrin pjesë: Ministri i Punëve të Brendshme z. Sveçla, Ambasadori Gjerman z.Rohde, u.d. Drejtori i Përgjithshëm i Policisë së Kosovës z. Hoti si dhe menaxhmenti i lartë të PK-së./FolDrejt/