Retë lazdrohen nëpër qiell
Poezia nga Lumi Hajra
Retë lazdrohen nëpër qiell
Yjet teksa s’mund të shfaqen
E dielli i vuan pasojat
Edhe dritën hëna ka për t’ia marrë…
Kur qielli mbulohet nga bardhësia
Njerëzit ia kthejnë shpinën
E ulin kokën mbi tokën
Me t’u bërë i zi
Të gjithë njerëzit
Kthehen me fytyrat e tyre kah qielli
Dhe mahniten me hënën
Që as dritën e vet s’e ka…/FolDrejt/